Pasditen e djeshme, pas një atentati në Laprakë, mbeti e vrarë 17-vjeçarja Griselda Gjikolaj dhe u plagos 23-vjeçari Erion Benga.
Ngjarja e rëndë tronditi mbarë publikun shqiptarë dhe padyshim familjen e viktimës. Një mesazh tepër prekës është bërë nga vëllai i saj O.GJ 15 vjeç, i cili nëpërmjet një postimi në “Instastory”, shpreh dhimbjen e thellë për humbjen e motrës.
“Nuk prisja të kisha një humbje tjetër aq të thellë, mendova se do kalonim një jetë plot gëzime dhe tani më le vetëm me disa kujtime që më marrin frymë dalëngadalë. Ishe botë më vete për mia dhe do mbetesh plagë në zemër përjetë, u prefsh në paqe dasguria ime, motra ime, të dua pafundësisht”-shkruan vëllai i 17-vjeçares.
Kujtojmë se Gjikolaj u qëllua me një plumb në kokë, ndërsa Bengo, i dashuri i saj mori një plumb në shpatull. Edhe pse i plagosur ai i ka dhënë makinës deri në spitalin e Traumës, në përpjekje për të shpëtuar të dashurën e tij.
Burimi: Shekulli
Abonohuni për të marrë lajmet me notification
